ГӀалгӀай къаман
юкъара газет

Кердадараш

Хургболча архитекторашта дийцар, наркоманех хьадоалача зуламах

ГӀалгӀайчен хургболча архитекторашта, дизайнерашта дийцар, «Россе бераш» яха сиха хьехам лу болх дӀахьош, наркоманех хьадоалача зуламах, яхаш, хоам бу«Сердало» газетага Магас шахьара администраце.

«Архитектора, дизайна» колледжа студенташца лоархӀаме къамаьл деча дакъа лоацаш хилар моттигерча МВД чуйоагӀача Юкъарча совета доакъашхой, ГӀалгӀай республика унахцӀенон министерствон керттера нарколог, берашта тӀахьожам лоаттабара отдела болхлой, кхувш боагӀарий гӀулакхах, цар бокъонаш лораярах йолча шахьара администраце комиссе доакъашхой, Магас-Шахьаре гӀолла йолча Россе МВД ПДН отдела инспектор», - йоах хоамо.

Къамаьл деча юкъа, хьал дика довзача говзанчаша деш дола хьехар хьаэца таро хилар кхувш боагӀарий. Республика керттерча нарколога Ваделанаькъан Джамбулата, иштта кхыча доакъашхоша дийцар наркоманех хьадоалача зуламах, цо саг, ший доалара ваьккхе, хӀалаквеш хиларах. Керттера теркам тӀабахийтар, гӀаьле озар, корта бохабу малар молаш хилар наркоманега кховдара хьалхара бахьанаш хилара.

ЛерттӀача сага цӀаккха а леладергдац ийрча вахара наькъаш, из массахана дикача хӀаманна тӀехьа ший уйла ерзаяь хургва, аьнна, хьоахадир къамаьл даьраша. Магасе гӀолла йолча МВД ПДН оалача отдела инспектора Пхьиленаькъан Х.С. дийцар берашта РФ законах, наркотикаш лелаярах, уж йоаржаярах уголовни бехктокхаме озаш хиларах лаьца.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде