«Алмавит Фрут» яха гуржий боалий беш керда хьувкъам бала кийчлуш я
МагӀалбика кхален «Алмавит Фрут» яха республике цаӀ мара йоаца гуржий боалий беш кийчлуш я ший керда хьувкъам бала, яхаш, дийцар «Сердало» газетага ГӀалгӀайчен Паччахьалкхен зарбан болх лелабераша.
ДӀадахача шера, ара хаоттам во хинна, цу юкъе шелал этта, гаьнаш тӀара гӀаьнаш гӀорадеш моттиг нийсъеннаяле а, предприяте таро хилар 120 тонн хьувкъам гулбе.
«Цо хьагойт, ахархой бизнеса инвестицеш юкъеяхарах ший тайпара толамаш даьха хилар. Къаьстта баркал оал инвесторашта, цар дег чура къахьегарах!» - аьлар ГӀалгӀайчен кулгалхочо ший телеграм оагӀон тӀа.
Вай мохк дегӀабара лоархӀаме гӀа ба ахархой бизнес, аьнна, белгалдир мехка кулгалхочо.
«Оаха цу даькъ тӀара хьал лорадергда, дӀахо а из дегӀадара новкъостал а деш. ХӀара лаьттан чӀегилгах пайда эца йиш я, из лерттӀа леладе ховш хуле!» - аьлар цо.
