Къарший-Черсий мехкарча муфте таьзет долча, бахар вай мехкара викалаш
06.08.2024 21:33
Хала долаш, тӀаийцар вай мехка, Къилбаседа Кавказерча бусалба наьха керттерча моттига хьалха лаьтта, Къарший-Черсий мехка муфтий хинна Бердиев ИсмаӀал-хьажа кхалхар. Черсий мехкарча Первомайски оалача юрта хилар таьзет. Цига баха хилар вай мехкара тайп-тайпарча моттигашкара викалаш, паччахьалкхен кулгалхочун хьалхара гӀонча волча Йовлой Мухьмадаца.
«ИсмаӀал-хьажа дуккхача бусалба наха вовзаш, массане лоархӀаш, хьаькъал долаш, беркате саг вар. Наха юкъе барт, безам, бусалба дин гӀулакхаш чӀоагӀдара тӀехьа дукха къахьийга саг вар из
Даьлах кхераш, нахаца Ӏимерза волаш, ваьха саг вар», - белгалдир Йовлой Мухьмада. Бердиев ИсмаӀал-хьажий гаргарча нахаца, цар сагото екъаш, ба вай мохк. Дуккхабарий дегашка ваха вусаргволаш, эздий саг вар из.
