Дукха ха я Хамченаькъан дезало «мерза дошув» - модз доаккха. 50 шу совгӀа ха я цар ГӀалгӀайчен ЖӀайрахьа кхале нокхарий лоаттаду - лаьрххӀа йола моттиг я цар уж леладеш. Тика чура безаш бола кхача эца йиш я: модз, перга, прополис, балхам, фашкал.

Цхьан хана, Хамченаькъан Ӏумара даь-дас дукха къахьийгар, «ГӀалгӀайчен лоамара модз» яха кхача хьакхоллаш. Ха дӀа мел йода, из дезаделар мехка цхьайолча юрташка бахача наха, цигара дагадехар цу дезала «Хьамза Модз» яха кердача дикала белгало хьакхолла.

ХӀанз «Хьамза Модз» ОООс ший кхача лоаттабу Туркий мехка, Германе, Польше, Франце, Бельге, Дубай. Йоккха йоаца порцеш езаш хул Америке, кхыметтел Африке.

ШоллагӀа дола балха дакъа эконокхарий арахецара лаьрхӀа да. Цар иштта экологически цӀена кхача арахеца а лерхӀ, цул тӀехьагӀа из маьхалбоаккхаргба МагӀалбике, Наьсаре тахан болх беш йолча тикашка.

Мах боацаш, из хӀама хьаяхьаш хилар, цар деш долча гӀулакха юкъедоагӀаш да.

Дукха ха яц Хамченаькъан «ГӀалгӀайчен Модз» яха бренд дӀайолаяь. Из продукт хӀанз дӀайолалуш мара яц. Цо беш бола пайда дика хилийтара кхы а къахьега деза.

«Тха дезале нокхарий леладар - из Ӏадат да. Оаха лораду хьалхара нокхарий леладеш юкъедоахаш хиннараш, дукхаза вӀашкаоттадаь уж леладе йиш хилар, цо таро лу дикал йолаш цӀена модз даккха. Кердадараш а юкъедаьхад оаха, керда технологеш хиларца дувзаденна, цунна чудоагӀа нокхарашка хьажар», - аьлар Хьамзата.

ГӀалгӀай Республикан кулгаговзала Ассоциаце юкъевоагӀаш, цо дахчан балхаш дара говзал а караерзайир. Цун безам чӀоагӀа хиларах дика бизнес-оагӀув хилар цох, из бахьан долаш, мерза модз чулеладара дола зӀамига педаш ду цо.

Ший дикал хилар майрра кхайкадир «ГӀалгӀайчен Лоаман мезо» 2021зшера, цо шоллагӀа моттиг яьккхар «Россе дикагӀа дола модз» яхача Ерригроссийски конкурсе.

Цул совгӀа, карарча шера ГӀалгӀайчен лоамара «МИТТ» Москве дӀахьош хиннача Халкъашта юкъерча туристий гойтаме оттадир из. Цо модз эцараш дуккха дукхагӀа бир, моттигера бахархой а туристаш а цу юкъе болаш.

Цар тахан гӀо эшаш болча наха деш дола новкъостал а ца хьоадича далац. Газе бахача наха гуманитарни новкъостал гулдеча хана, цар «Тешам» яхача ганза 500 модз чу дола зӀамига педаш дайтар. Из мухь ше ма барра Палестине дӀабахьийтар.