ГIалгIай Парламента депутаташа дийцар, республике, эскаре Iамалде тIахьехаш йола компани дIаяхьарах
Депутаты Парламента Ингушетии обсудили ход призывной кампании в республике. В Народном Собрании прошло заседание рабочей группы по военно-патриотическому воспитанию молодежи под председательством депутата Народного Собрания РИ, руководителя рабочей группы Бадрудина Олигова.
Совещане дакъалоацаш бар: Халкъа Гуллама депутаташ, ГIалгIай Республике гIолла тIема Iамал дара кийчонна отделене кулгалхо ГIаьнажанаькъан Рамзан, ГIалгIай Республика ДОСААФ кулгалхо ГIаьнажанаькъан Мухьмад, кагийбарашта гражданско-патриотически кхетамбалара Комитета отдела кулгалхо Угурчанаькъан Тимур.
Цига дийца дош дар, эскаре Iамал дара тIахьехаш йола компани лерттIа дIаяхьар, иштта кагийбарашта тIема-патриотически кхетамбалара болх дIабахьар.
Кхетаче дIайолалуш, балха тоаба кулгалхочо, Халкъа Гуллама депутата Олиганаькъан Бадруддина дийцар, республике гIолла, бекарга бетта цхьоалагIча дийнахьа денза эскаре Iамалдара тIахьехаш йола компани дIайолаенна хиларах, из йистеяргья кIимарса бетта 15-ча дийнахьа.
«Даьхен герзах дизача низай мугIарашка Iамалдар, массаза а хиннад доаккхалдеш наха юкъе. Вай эскар а цун бIухой а, массаза а, халкъа хьамсара а безаш а хиннаб. Цхьабакъда, цун хьалаш тIехьарча хана массехк тоалуш латташ дале а, Iамалде эскаре ухараш юхабоалш латт, цудухьа кердабаккха беза тIахьехара компане болх», — аьлар Олиганаькъан Бадруддина.
Балха тоаба доакъашхочо, Халкъа Гуллама депутата, Дидиганаькъан Ахьмада белгалдир, карарча шера, призывной компани лерттIа дIахьош ца хилар. Цо яхачох, из дувзаденна да, Украине латта чоалхане тIема хьал бахьан долаш, да-нана кхер шоай дезалхо цига дIавигар.
Ший аргIах, кийчон а тIахьехама а отдела кулгалхочо, ГIаьнажанаькъан Рамзана белгалдир, эскаре Iамалдара тIахьехача нахах, цхьа саг цига дIавугаргвац аьнна. ТIахьийха нах, чурча тIема округа эскарашка, Iамалдеш хургба.
Иштта дийцар, Эбарг-Юртарча 503 мотострелкови полка ларда тIа, контрактах, ГIалгIай, ший цIи йола полк вIашагIйоллаш хилар.
Кхетаче йистейоалаш заседане доакъашхоша, вай мехкахошта — призывникашта ловца баьккхар, цар Герзах дизача низашка дика Iамалдара, шоай Даьхе, къаман махбараш лерттIа лорадара, уж могаш-маьрша болаш, шоай дезале юха цIабахкара тIехьа.
