Бераш «Хьалхарчар Никъ» яхача яхьашка дакъа лоацаш хилар
10.06.2024 11:16
Наьсарен кхален, Магас шахьара къона хьинар дараш дакъа лоацаш хилар «Хьалхарчар Никъ» яхача яхьашка, аьлар «Сердало» газетага «Хьалхарчар Болам» яхача моттигерча керттерча даькъа бувзамех волча говзанчас Налганаькъан Рамзана.
«Хьалхара яхьий дакъа дӀахьош, Хьалхарчар гойтар Калашникова автомат мишта вӀашагӀъяккха а юха вӀашагӀйолла а еза; баскетбол, велосипед хахкар, иштта кхы дуккхадараш. Дика толамаш гойтар Наьсарен-Шахьара командо, ТӀой-Юртарча, Эккажкъонгий-Юртарча юкъарча дешара моттигашкарча бераша», - йоах хоамо.
Белгалду, ерригача ялх ишкола таро я, ший кхален сий доаккхаш, республикан яхьашка дакъа лаца.
