Гӏалгӏай Паччахьалкхен филармоне кулгалхочох, Аьдагӏий цӏихеза артистка хилар
Гӏалгӏайчен Паччахьалкхен Хамхой А. цӏерагӏча филармоне кулгалхочоа Ӏаьленаькъан Ӏайнайна «Аьдагӏий Республикан цӏихеза артист» яха сийлен цӏи елар. Из луш хилар чӏоагӏдир республикан кулгалхочо Кумпилов Мурата. Иштта лакха мах оттабир вошал долча Аьдагӏий мехка Ӏаьленаькъан Ӏайнас культуран тӏехьале совъяккхара даькъ тӏа баьча балха.
«ӏаьленаькъан Ӏайнайна совгӏат делар Аьдагӏий культуран министра Аутлев Юре. Из кхетаче дӏайихьар ардара бетта 9-ча дийнахьа Майкопа «Нальмэс» яхача концертни зале, цу дийнахьа Гӏалгӏайчен Паччахьалкхен филармоне артисташ бар цига концерта программа ийца баха. Из чуйоагӏаш яр Даькъастен, Къулбехьен федеральни куран шахьарашка гастролей бӏал дӏахьош хилара.
Филармоне тоабанна цох бокъонца дола цӏай хилар. Керда цӏи яларо дӏахо а кхоллама проекташ цхьана дӏаяхьара бола никъ хьабелл, шин республикан культурай даькъ тӏара таронаш дегӏайоалаю.
Цу дийнахьа Аьдагӏий Республикан Кулгалхочо баркал аьлар «Дега оаз» яхача фолк-рок-тоаба, цунна кулгал деш ва Малсаганаькъан Татархан, иштта «Гаргареи» яхача халхара ансамбла, цун исбахьален кулгалхо я Овшанаькъан Маддан.
