Интернете гIолла нах Iехабеча зуламхоша, 75 эзар сом даьккхад вай мехкахочунгара
Правоохранители в Ингушетии расследуют мошенничество при получении выплат, от которого пострадала местная жительница, информировали газету «Сердало» в пресс-службе МВД.
Менеджер я яхаш, интернете гIолла нах Iехабеш ягIачо тувлаяьча кхалсаго, цхьаккха тийшаболх дагабоацаш, банкомате дIа а яха ший карта тIара 75 эзар сом цу бIехача адамашта дIатIатессад. Ахча кара кхаьча зуламхой, байна дIабаьннаб.
Полице болхлоша тохкаш латт из гIулакх. Ишттача наькъаца тийшаболх лелабеш, банкера болхло ва со яхаш, нахагара 15 эзар сом ахча доахаш ваьгIа Кисловодскера зуламхо гучаваьккхав Шолжа-пхьерча МВД болхлоша. Из хIанз набахтен зIамига кор мара, хIама гургдоацаш Iоховаьв.
Бахархошка кхайкарал ду! Боккъала а интернете гIолла малашб ца ховча наха ахчаш дIа тIа ма тувса! МоллагIа дола карташцара гIулакх банке дIа а дахе къоастаде. Ма Iехадайта шоаш зуламхошка!
