Къонача хьинар дарашца, экскурси дӀайихьар ЖӀайрахье
06.08.2024 12:27
ЖӀайрахьера гӀалай моттигаш йовзийташ, экскурси дӀайихьар «Хьалхарчар болам» яхача оагӀон хьинар дарашца. Из хоам «Сердалога» бир из кхетаче вӀашагӀъеллараша.
«Хьалхабаьнна лелараша, «ТӀехьале» яхача гӀо лоаттадеш йолча ганза болхлоша Аьга-Кхален истори довзийтар берашта. Шоай къаман истори тахкарал совгӀа, даьшкара хьакхаьча гӀалаш лораяр мел лоархӀаме да хайра царна», - йоах тхогарча хоамо.
«ЧӀоагӀа раьза дар бераш цу кхетаченна. Белгалде деза, иштта йолча экскурсеша цар Даьхенцара безам, шоай къаман Ӏадаташцара, исторецара лерхӀам чӀоагӀбелга.
Цудухьа каст-каста дӀакхахьа гӀерт тхо из болх», - дийцар тхога «Хьалхарчар болам» яхача оагӀон керттера болхло волча Мазенаькъан Апте.
