ГӀалгӀайчен наькъий а коммунальни а гӀулакхаш леладу болхлой къахьегаш ба
Ара хаоттам хувцабаларах, ГӀалгӀайчен коммунальни, наькъий балхаш чоалханерча хьале де дезача тайпара хьадеш ба, яхаш, дийцар ГӀалгӀай Республикан Кулгалхочун, Паччахьалкхен зарбан болх лелабераша.
Керттердар - сихонца машений наькъаш, гӀашлой наькъаш, доккхий наькъаш цӀендар, лаьрххӀа йола молхаш хьарцар. Цу гӀулакха лаьрхӀа автодора Министерствос хьалххе а кийчъяьяр тух теха гӀум, эшаш хуле тӀехьара тӀа кхыйола кийчо а ергья.
ХӀанз ара шийла хиларах, низ тӀабода «Газпром газораспределение Назрань» яхача урхаллен газ дӀа-юха хьожаяра болча балха, цига моллагӀа чоалхане хьал отте а аьнна, яь кийчо я. ХӀара кхален даькъ тӀа аварийно-гӀо ду тоабаш я, хила тарлуш дола чоалхане хьал сиха юстардоаккхаш.
«Республикай бахархой тӀахьех ара цу тайпара хаоттам хиларах наькъашка лоралуш хилара, машинашца сиха ца лелара», - аьлар ший бувзама оагӀонашка ГӀалгӀайчен кулгалхочо Келаматанаькъан Махьмуд-Ӏаьлас.
