Шолжера культуран цӀа дакъа лоацаш да, «Росси - къамий цӀа» яхача гулламе
Шолжерча культуран цӀагӀа Ӏомалуш бараш дакъа лоацаш ба «Росси-къамий цӀа» яхача Ерригроссийски халкъашта юкъерча гулламе, яхаш, дийцар «Сердало» газетага культуран гӀулакхашта йолча Министерствос.
«Къонача артисташа хьажа баьхкарашта гойтар «Морозко» яха театра гойтам. Актёрий ловзарашка, декорацега гӀолла бераша дӀакхачийтар гулбеннарашка гӀалгӀай культуран хоза оагӀонаш. Ший начӀал гойташ, вай мехкарча исбахьален тоабо «Мисс артистичность» яха диплом даьккхар. Цунца цхьана дика болх барах, культуран цӀен кулгалхочунна Хьулахой Залинайна баркал оалаш, грамота елар кхелахоша»,-аьлар хоамо.
Тхоца къамаьл даьчо яхачох, кхетаче вӀашагӀъеллаяр эрсий халкъа фаьлга, Къилбаседа Кавказа халкъий фаьлга мехкашта юкъера фестиваль дӀахьош хиларца дувзаденна!
«Оаха доаккхал ду тхоай доакъашхоех, баркал оал из хоза цӀай вӀашагӀделларашта. «Гаьнарча мехка» яха фестиваль эшаш я начӀал долча берригача мехка дахаш долча берашта, Ӏоаяь говзал шоайла дӀа-юха эцара»,- аьлар культуран кхуврча кулгалхочо.
