Наьсарера ишколаш дешара шерга кийча йий техкар единороссаша
«Цаӏ йола Росси» яхача парте викалаш Наьсарера ишколаш кердача дешара шерга мел кийча я тахка арабаьлар тахан. Партена хьалха латта Кхоартой Ибрахӏим, Бохтаранаькъан Ювсап, иштта кыбола депутаташ юкъе бола тоаба яр из болх дӏахьош хиннар. Шахьара массехк ишколе чуотташ, цигара хьал тохкаш гобаьккхар цар.
«Парте Къаман программага гӏолла дӏахьош болх ба из. Къаьстта терко йир партийцаша кхерамзленца дувзаденнарашта, иштта кабинеташ дешархой тӏаэца кийча йий хьежар. Хьехархошца къамаьл деш, цхьаккха кхоачамбоацар дий техкар цар», - йоах «Сердалога» «Цаӏ йолча Россера» кхаьчача хоамо.
Парте оагӏонца йоккха терко ерех да дешара моттигашца дувзаденнараш. Цунга хьежжа, керда дешара шу дӏадоладеш долча хӏара бера паргӏата, кхерам боацаш хургдолаш, тӏахьожам лоаттабеш ба уж.
Таьрахьашца дувзаденнарашта, ишколашкара кхоачам эргабаккхара, таханарча ханага хьежжа йола ишколаш хьалъяра, хьехархойи дешархойи цхьаккха новкъарле йоацаш дешара шу дӏадахьа аьттув хилийтара, терко еш ба тахан «Цаӏ йолча Россе».
