Гӏалгӏайчен единороссаша ДРКБ зӏамигача унахошта совгӏаташ дир
02.12.2025 12:10
«Цаӏ йолча Россе» ВПП, «Денала кӏопилг» яхача боалама чудоагӏаш, парте хьинар дараш 10 эзар сом гаргга ахча гулдир, берий республикански клинически дарбанчен зӏамигача унахошта совгӏаташ де дагахьа.
Бакъда лаьрхӏачул дукхагӏа из ахча вӏашагӏтоха таро хиларах, кхыча лорий урхалленашка а совгӏаташ дӏадекъа лаьрхӏар, могашал яйна бераш долча моттигашка дӏакхоачаргдолаш.
«Денала кӏопилг» яха болам - из духхьал ловзоргаш хинна ӏац, из я берашта дикахетар дара йола таро. Вайна гуш да мел чӏоагӏа эшаш я цу тайпара терко еш йола моттигаш, къаьстта дарба эшаш долча берашта», - аьлар моттигерча исполнительни комитета кулгалхочо Кхоартой Ибрахӏима.
