АПКас арахьа дӀакхухьийта кхачан даараш 8-зза дукхагӀа хиннад
ГӀалгӀайче дика дегӀадоагӀаш да юртбоахама продукци арахьа д1акхахьийтар: 2018-ча шера денз из 8-зза дукхагӀа хулаш йоагӀа. Из хоам бир республикан Кулгалхочун, Паччахьалкхен зарбан болх лелабераша, «Халкъашта юкъера конференци, экспорт» яхача къаман проекта чаккхе еш, дийцар яхаш.
Хьалххе а ховш болча хоамах, 2024 шера экспортах йола план кхоачашйир 431%. Укх тӀеххьарча диъ шера республикера 142,1 эзар тонн юртбоахама продукци дӀаяхьийтай юхерча кхыча мехкашка.
ЛоархӀаме хилар кхашка хиш дехкара Ӏаьдало ахча денна хилар. Цо таро елар дикагӀа продукци арахецара дола хьалаш хьакхолла. Цу гӀулакха 196 млн сом хьожадаьдар.
ГӀалгӀайчен Кулгалхочо Келаматанаькъан Махьмуд-Ӏаьлас белгалдир, цу тайпара новкъостал дарах дикка аьттув баьнна хилар, экспорта лаьрхӀа йола продукци дукхагӀа хилийта.
«Кхашка хиш дехкар дегӀадоаладар, арахецаш йола продукци дукхагӀа хилийтар - из лоархӀаме гӀа ба ГӀалгӀайчен экономика дегӀайоалаяра даькъ тӀа боаккхаш бола, цунца цхьана халкъашта юкъерча мах бара хьале а яхьевала таро лу», - аьлар мехка кулгалхочо.
Цул совгӀа, «Халкъашта юкъера коопераци, экспорт» яхача къаман проекта чуйоагӀаш юртбоахамаш леладара юкъедоаладаьдар 7,2 эзар гектар лаьтта, цо иштта таро лу мехка ахархой даькъ тӀара хьал тоаде.
