Из болх дIабихьар «Ингушэнерго» ремонтни балхаш дара йолча программа юкъедоацаш.

Iаьлий-Юрта бахача наха даима а электроэнерги ца тоъаш нийслора, къаьстта Йовлой, Зязикова, Лермонтова урамах бахача, электроэнерги лоха йолаш даима а латкъаш бар уж бахархой. ХIара дийнахьа хIана дац аьнна, электроэнергецара кхоачамбоацараш совдувлаш латтар, цхьайолча хана вIалла а свет йоацаш а моттиг нийслора. Оборудованена низ тIабодаш хулар 160 кВА чуйоагIача трансформаторни подстанцена 50 потребителаш кхоачаш хулар.

Цудухьа энергетикаша лаьрхIар из кхоачамбоацар юкъера даккха. Хьалхарча аргIах Магасски районни электрически сетеша керда трансформатор оттабир 250 кВА низ чубоагIаш. ШоллагIча аргIах 250 метр хургбола берзанбаьнна аьшкасаьрг а хийцар.

Керда оттаяьча оборудоване таро хулийтаргъя наха лерттIа электроэнерги хилийта а иштта керда баха Iоховшаш болча наха лерттIа ток дIакхоачашхургйола моттиг Iалашъе а. Цул совгIа хьалхагIа санна кхера ца везаш технологе оагIорахьа кхоачамбоацараш а нийслургдац«, - аьлар «Ингушэнерго» филиала кулгалхочо ТIоаршхой Рамазана.

«Россети Северный Кавказ командагара сона чудессар-атта хилар, гIулакха кийча хилар, новкъосталдара раьза хилар. Говзанчаша къахьег, из деррига а цар дегчура дика хеташ а ду. Из иштта долга со тешаш а ва», — аьлар Iаьлий-Юртахочо Досхой Iумара.