Цой яхачох, организацеш даима йоагаеча йIовхалга хьежжаеи, наха йIовхал лоаттаярга хьажжаи маьхаш хургда, уж белгалдергда (ФАС).

Белгалдаккха деза хIанз латтача хана моттигерча Iаьдало хоадабу цунна мах. Уж хул предприятешка дIадодачунга хьежжа, цар из иштта долга хьа а гойташ. Юкъедоахача дикагIа долча маьхаша таро хулийтаргъя, цхьацца йолча организацей маьхашка хьажжа а доацаш, компане юкъара дIадахачунга хьажжа.

Цу тайпарча балхо таро хулийтаргъя йIовхал лоаттаеча предприятешка, ремонтни балха, доагама, транспорта лаьрхIа дIадодачунна хьурмат де, цхьайолча хана цу бахьанах маьхаш айде дезаш хул, аьнна белгалдир ФАС кулгалхочо. "Цар, маьхаша (эталонаш), таро хулийтаргъя регионашка гIолла цу хьаькъехьа беш бола болх къаьгга гойташ хилийта, — аьлар Королевс.

Белгалдаккха деза. ГIалгIайче а, СКФО кхыйолча регионашка а йоагаяьча светах бола мах дукхача шерашка цхьан тайпарча системах латташ хилар. Наха дукхагIча хана ховш хилацар уж малагIча бахьанах овттаду а.

Иштта хоам бу, ФАС цу тайпара болча соцама проект июнь бетта кепатеха арахецаргъя аьнна. Цу ведомства кулгалхочо тIатехар, эталонаш оала маьхаш кIезиг-кIеззиг доахаш юкъедоахаргда аьнна, цхьацца йолча регионашка цу дакъалаца безам бараш а хилар, из дIайолалургъя 2022- ча шера цхьоалагIча июле, йоах РБК.

Эксперташа яхачох, эталон яха болх юкъе баьлча наха а аттагIа хургда, къаьгагIа гуш а хургда цунна толамаш.