РФ 73 моттигера 1700 гаргга доакъашхо вера, Магасе дӀайихьача «ХӀарма» яхача кхетаче
РФ 73 моттигера 1689 доакъашхо гулваь хиннача, Магасерча «ХӀарма» яхача кхетачен болх чакхбаьлар. Эггара керттерчарех долча кхоачамбоацарех дийцар цу йоккхача кхетаче, иштта доакъашхоша дlа-хьа ийцар цхьацца пайданедараш.Кхетаче хьайийллар «Россе сийле» яхача, боккхача мехка дахача къамий Ӏадаташ, оамалаш лораяра тӀехьа болча боккхача гулламе. Цига дакъа лоацаш хилар вай Мехкада Келаматанаькъан Махьмуд-Ӏаьла.
Ший къамаьла юкъе республикан кулгалхочо белгалдир, Россерча къамий культура, тайп-тайпара дола Ӏадаташ лорадар лоархӀаме долга. Кхетачен хьалхарча дийнахьа дӀабихьар 200 совгӀа наха дакъа лоацаш бола Паччахьалкхен байракха Ден хетабаь болам. Болама доакъашхоша йоаржайир йоккха Россе байракх.
Паччахьалкхен университета хьалхашка дӀайихьача цу кхетачено дукха адам гулдир. «Медиаишкол НКО» яхача оагӀон говзанчаша SMM, PR дувзаденна хаттараш доашхаш къамаьл дир; ахчанца ювзаенна йоацача моттигашкарча доакъашхошца. Шоаш дувцар балхаца дӀахьокхаш, къахьийгар боккхача говзанчаша. Вахара оагӀонашка гӀолла проекташ йоаржаярах, моллагӀча хӀаман нийса доал дарах дийцар цар гулбеннарашта.
Россе тайп-тайпарча моттигашкарча доакъашхошца цхьа барт кхеташ; бувзам чӀоагӀбарах, накъадаргдола пайданедараш дӀа-хьа эцарах дийцар кхетаче. ТӀехьа тӀайоагӀача хана дегӀадоаладе лерхӀача дуккхача гӀулакхий зем баьккхар цига. Цу дерригне хьагойтар, боккхача мехка гӀулакхаш тоадеш бола болх дӀабахьа из кхетаче мел лоархӀаме я.
