ГIалгIайчен викал йолаш цига хургья Шолжа шахьарера «Атлетик» яха клуб. Духхьала селхан тха газето дийцар цу командах дола кердадараш Бийсанарча футбольни лига гуйре чакхйоалаш дола хоамаш а юкъедоаладеш.

Из яхьай котъялархо а хилар, гамурзиевцаш тIехьа а буташ финале совле йихьар цар.

«Кубок Кавказа» дакъалоацаш хургья шийтта команда. Цар СКФО тайп-тайпара регионаш гойтаргья, цу юкъе Дагестан, ГIаьбартой-Балкхарой иштта кхы дIахо бараш а.

Хоам бу, турнир дIахьош новкъосталду кагийбарий гIулакхах йолча Федеральни агентства, иштта Нохчий Республика физически культура, спорта, кагийбарий политика Министерства.

Ловзаш йола командаш массехк тоаба йийкъай. Вай «Атлетик» «В» тоаба юкъе яхай, цунна духьала оттаргъя

Нохчашкахьара «Валерик» яха футбольни команда, Пятигорскера КМВ ЛФЛ, иштта дагестанера «Крепость».

Хьалхара матч сунженчаша дIахьоргья 25-ча лайчилла. Царца ловзаш яхье яргья «Валерик» яха футбольни команда, шоллагIча дийнахьа уж ловзаргба КМВ ЛФЛ сборнеца, «Крепость» командаца.