ГӏалгӀайчен Кулгалхочо, МВД министра дийцар наьха кхерамзле чӏоагӀъярах
ГӏалгӀайчен кулгалхочун Келаматанаькъан Махьмуд-Ӏаьлий вӀашагӀкхетар хилар ГӏалгӀай Республикан чурча гӀулакхий министраца Котов Владимирца, керттера дийца хаттар дар, мехка бокъонаш лораярца, юкъарлон кхерамзлен Ӏалашо ярца дувзаденна. Из хоам «Сердало» газетага бир ГӏалгӀайчен Кулгалхочун зарбан болх лелабераша.
Къамаьл дӀахьош, Келаматанаькъан Махьмуд-Ӏаьлас терко тӀаяхийтар российски законодательство лорадарах, моллагӀа духьале яь хилар доагӀаш дола таӀазар ца деш дусаргдоацилга - административни гӀулакхашкара лоархӀаме наькъа бокъонаш телхаярга кхаччалца. Цо белгалдир, юкъара дисциплина, юкъарлон бокъоний культурн боарам лакхбар массане а юкъара декхар долга.
Мехка кулгалхой кийча хилар хьоахадир цо, чурча гӀулакхий Министерство хьаллаца массайолча оагӀорахьара. Иштта дийцар Ӏаьдала болхлой, цу юкъе Координационни кхетаче а йолаш, шоайла бувзам лелабе безаш хилар, юкъара толамаш дахара.
Чурча гӀулакхий министра Котов Владимира хьагойтар бокъонаш лораечар юкъара хьал, иштта кхерамзлен хьал лорадара йола цхьоагӀо. Цо белгалдир ше кийча хилар, моттигерча Ӏаьдалца бувзам лелабе.
