Украинера тӀема операци дӀайолаяь кхо шу даларца, мехкахошка йистхилар Мехкада
Диззача бархӀ шера Украине тоӀабаь, паргӀатта баха ца буташ, хьабоагӀача Донбасса бахархой га хьаллоацаш йола тӀема операци Президента Путин Владимира дӀакхайкаяь кхо шу дизар тахан. Цу денца мехкахошка къамаьл дир мехкадас Келаматанаькъан Махьмуд-Ӏаьлас.
ТӀема операцена хьалхашка латтача керттерча, лоархӀамеча декхарех дийцар вай Мехкадас. Республикан кулгалхочо белгалдир, малхбузерча мехкашта, Киева хийттача беса доацаш, Россе Президент ше лаьрхӀар кхоачашде чӀоагӀвенна волаш, лоархӀаме декхараш кхоачашдеш хьавоагӀилга; ишттача наькъаца ДНР, ЛНР, Запорожски, Херсонски областаш тахан Россе чуйоагӀаш йолга.
«Дерригача дунен вай цӀаькхаза а дӀабовзийтар Россе эскара тӀема низ, Даьхе лораеш латтаргдолга, иштта тоӀабаь, бокъонаш йохаяьча наьха га даккха, цар оагӀув хьаллаца оттаргдолга», - аьлар Мехкадас.
Котало Россен тӀехьа хургхилар чӀоагӀдир Мехкадас, иштта белгалдир, тӀема операце бӀухошта республико массахана гӀо лоаттадергдолга, тахан мехкарча наха царех доаккхал делга.
