ГӀалгӀайчен Кулгалхочо совгӀаташ дӀаделар, бейнача бӀухой гаргарча нахага
Республике кхетаче дӀахьош ГӀалгӀайчен кулаглхочо Келаматанаькъан Махьмуд-Ӏаьлас паччахьалкхен совгӀаташ дӀаделар СВО бейнача, иштта шоай тӀема декхар кхоачашдеш денал, майрал гойтача бӀухой гаргарча нахага. Цох дийцар мехка Кулгалхочун, Паччахьалкхен зарбан-болх лелабераша.
Уж совгӀаташ делар РФ Президента Амар хиларах тарра. Бейнарашта юкъе вар сержант Зейтанаькъан Микаил, воккхагӀа вола сержант ЦӀечой Абабукар, мугӀарера Угурчанаькъан Акромат, Поаланкой Ислам, иштта кхыбараш а. МугӀарерча Арсанаькъан Батыра «Денал гойтарах» ӀӀ-ча лоарх1ам бола майдилг елар.
Мехкадас кодам бийцар, иштта аьлар, тахан вай кагийча наха денал гойтарах гӀадводаш санна, уж вайна юкъера дӀабаха а хала хет, цар гаргарча нахах къахет.
Вайга бала ба царца цхьана, тешаш да цу бӀухоша вай мехка, Россе хургдолчун тӀехьа болаш шоай са Ӏодилла хиларах. Бейнача бӀухой дезалашта къаьстта йола терко лоаттаергья. Цар хаттараш, царна дезар хьалхарча аргӀагӀа чакхдоаккхаш хургда», - аьлар республикан кулгалхочо, совгӀаташ луш хинна моттиг ювцаш.
