Цар Денца даькъалабийцар Мехкадас радио болхлой
Радио болх дӀахьош бола къахьегамхой даькъалабийцар вай мехкадас Келаматанаькъан Махьмуд-Ӏаьлас радио Денца. Шоай оазашца, хоамашца, иштта кхыдарашца эфир хьалъюзаш болча наьха ди да из, аьнна, белгалдир республикан кулгалхочо. ВГТРК «ГӀалгӀайче», НТРК «Магас» яхача телерадиокомпанешта чуйолхаш йолча «ГӀалгӀайчен радиос», «Россе радиос» дӀахьоча балхах хьоахадир республикан Кулгалхочо.
«Регионера хоамаш, дунен тӀара, мехкара кердадараш довз вайна царга гӀолла. Еррига программаш тайп-тайпарча ханашка кхаьча ладувгӀархой чулоацаш я», - яздир Мехкадас. Иштта 2024-ча шерарча Ӏан хьалхарча бетта Krutoy MedӀa холдинга хьакхелла «Радио дача», «Радио шансон» яха радиош йолаелар болх бе. Love RadӀo, «Малхбоале FM» - кхы а ши радиостанци йолаялийта лаьрхӀа ба вай мехка.
Аьттонца, иразе баха, къахьега даькъалабийцар Мехкадас; хӀара денна радиога гӀолла вай дегашта тоам бу нах.
