ГӏалгӀайчен кулгалхочо МВД болхлой даькъалабийцар цар къахьегама цӀайца
ГӏалгӀайчен Кулгалхочо Келаматанаькъан Махьмуд-Ӏаьлас даькъалабийцар ГӏалгӀай Республикан чурча гӀулакхий Министерствон ветеранаш, болхлой цар къахьегама цӀайца - Российски Федераце чурча гӀулакхий болхлочун Денца.
Ше цу хьакъехьа дувцаш, мехка кулгалхочо белгалбир, бокъонаш лораяра гIулакха белггалара лерхӀам. «Хӏара денна бокъонаш лораяра болхлой латт законо яхар леладайтача ха тӀа. Из атта боаца болх ба, цо дӀадех денал, халонашта духьалъотташ хилар, ше кхо ца веш хилар»,- аьлар Мехкадас.
ГӏалгӀайчен кулгалхочо хьалхадаьхар Россе Президента Путин Владимира дешаш, цо цкъа белгалдаь ца Ӏеш хилар, МВД болхлой «мехка тешшаме чӀоагӀо» йолга; цо иштта белагалдир, республикан цу лостамагIа болча наха из тешшаме кхоачашдеш хилар.
Къаьстта баркал оалаш дола дешаш доагӀаш дар лаьрххӀача операце шоай декхар дизза кхоачашдеш латтача бӀухошта, иштта моттигерча викалашта. Макшарипа Махьмуд-Iаьлас белгалдир, къаьстта ший балха даькъ тӀара участкови хьалха хьакхоач наха эшача, аьнна, цунна довзаш хул этта хьал.
Келаматанаькъан Махьмуд-Ӏаьлас баркал аьлар, ГӏалгӀай Республикан МВД ветеранашта; цар шоаш биа дув къар ца беш, денна дош доха ца деш, Даьхе лораеш шоай цун хьалхашкара декхар дизза кхоачашдеш хиларах.
