ГӏалгӀайчен Кулгалхочо Даьхе лораяра Денца бахархой даькъалабийцар
Тахан берригача мехка дезду Даьхе лораечар Ди. ГӏалгӀайчен Кулгалхочо Келаматанаькъан Махьмуд-Ӏаьлас кхайкарал дир бахархошка, из ди Даьхе лораеш латтарий сий деш дола ди хиларца.
Къамаьл деш, цо белгалдир, дукхача хана денз Россена мутӀахьа болаш, майрал гойташ гӀалгӀай хьабоагӀаш хилар.
«Вайна дагадоагӀа Сийлахь-боккха Даьймехка тӀом лаьттача ханашка вай мехкахой малагӀа денал гойташ цига латаш хьабаьхкар, уж хиннаб Москва йоккхаш, Днепра хи тӀа тӀом беш, Берлин йоаккхаш. Цар деналах, майралах совгӀаташ деннад царна, хӀаьта царна карагӀдаьннар яздаьд вай мехка исторен оагӀонаш тӀа», - язду республикан Кулгалхочо ший бувзама оагӀонаш тӀа.
Махьмуд-Ӏаьлас иштта баркал аьлар, хӀанз лаьрххӀа йола операци дӀахьош болча бӀухошта. Цо белгалдир, цар масал вай тӀехьенга кхоачаш дахаргда.
«Вай мехка массаза машар хилба, хӀаьта хӀара Даьхен бӀухо маьрша волаш цӀенах кхеталва!» - аьлар Келаматанаькъан Махьмуд-Ӏаьлас.
