«Лергдоаца сур» яхача онлайн-боламе дакъа лаца бахархой тӀахьех Мехкадас
05.05.2025 12:23
Коталон ди хьатӀадоагӀаш, берригача мехка дӀахьош «Россе онлайн Лергйоаца полк» яха болам ба дӀахьош. Мехкадас Келаматанаькъан Махьмуд-Ӏаьлас из оагӀув хьаллаца тӀахьех беррига бахархой.
ХӀара шера дӀакхухьача цу боламе дакъа лоацаш, укх бетта 6-ча денга кхачалехь; 2025.polkrf.ru керттерча сайте тӀема ветерана, тӀема бӀухошта гӀо деш хиннарий сурташ чуоттаде деза. Иштта ВКонтакте, Одноклассники яхача сайташкара цу оагӀонцара болх хьаллаца йиш я.
«Хьамсара мехкахой! Боккхача тӀема юкъе вай даьша гойта турпалал массане доаккхал де дезаш да. Хьаллаца болам цӀаькха а: «Тхона дагадоагӀа! Оаха доаккхал ду, ала!» - белгалдир вай Мехкадас, берригаш из гӀулакх хьаллацара тӀахьехаш.
