ГӏалгӀайчен Кулгалхочун кхетаче хилар СВО доакъашхошца
ГӏалгӀай мехка кхетаче хилар, Келаматанаькъан Махьмуд-Ӏаьлий СВО доакъашхошца. Кхетаче дӀахьош ГӏалгӀай Республикан Кулгалхочун Администраце, мехка Кулгалхочо ше терко тӀаяхийтар; лаьрххӀа йола тӀема операци дӀахьоча латтача бӀухой хаттараш кхоачашдара.
Кхетаче дӀахьош, Макшарипа Махьмуд-Ӏаьлас ма дарра дийцар, республике дӀахьош йолча вахаре эша новкъостал деча 20 совгӀа йолча программах. Керттера терко тӀаяхийтар, бекарга бетта дӀайолаяьча «Турпалхочун никъ» яхача программанна.
Цо чулоац 150 совгӀа бӀухо, цар шоай дехараш хьачуденнад, цу юкъе дакъа лаца дагахьа.
Иштта дийцар, СВО доакъашхошта лаьтташ даларах. Хӏанз укх сахьате, хьачуденнараш 764 дехар да, хӀаьта 564 лаьттан дакъа дӀа а дийкъад.
«Из хаттар оаха кхоачашду, итташ эзараш республикан бахархой лаьтта дезаш, цунга хьежаш бале а», - аьлар Келаматанаькъан Махьмуд-Ӏаьлас.
Юстара йисанзар бӀухой могашал а. Республикан Кулгалхочо белгалдир, СВО доакъашхошта психологически новкъостал эшаш хилар, цу деша керттера терко лоаттае езилга.
«Тхо хьожаш да, бӀухой деррига хаттараш кхоачашде. Са теркама юкъе да уж», - аьлар Келаматанаькъан Махьмуд-Ӏаьлас.
