Россе байракха денца, мехкахой даькъалабийцар Мехкадас
Россе байракха денца республикан бахархой даькъалабувцаш, вай Мехкадас белгалдир; боккхача мехка байракх Россе дӀаьхийча истореца, культураца, цун низаца ювзаенна йолга. «Россе байракха денца даькъаладувц аз шо!
Боккхача мехкацара вай бувзам, безам хьахьокхаш ди да ер. Россе тайп-тайпарча моттигашкара кагирхой гулбенна, йоккха кхетаче дӀахьош, Маьтлоама бухье дезде лаьрхӀад вай из ди.
БӀарг ма кхоачча лакха болча Маьтлоама лакхе йоаржаяьй вай боккхача мехка байракх», — белгалду вай Мехкадас ший телеграм-канале. Келаматанаькъан Махьмуд-Ӏаьлас хьоахадир; иштта дӀакхухьача боламаша мехка бахархой дика гӀулакхаш доаржаде, мехка гӀулакх лорадеш бахара тӀахьехаргба, аьнна. Россе чуйодаш йолча гӀалгӀай республикан бахархой иразе, аьттонца, машаре баха даькъалабийцар цо.
