«Россе кхаь бесара байракх — вай мехка низа а кортамукъален а белгало я. Паччахьалкхен байракхо Российски Федераце дукха къамаш вIашкаоз.

Цо вай дегашка йицлургйоаца лар ют, низ болча Россе культура, исторе оагIонаш йиц ца яра.

Паччахьалкхен байракха ди белгалдеш, вай гойт мехкацара безам, тIехьа тIа доагIа ноахал кхеду Даьхе езаргйолаш, цунна къаман мах бараш дицлургдоацаш.

Цу тайпара, шоай Даьхенцара безам а Россена шоаш мутIахьа хилар а гойтар спортсменаша Токио-2020 дIайихьача ХХХII Олимпийски яхьашка. Тахан, 29 шу хьалха мара хьакхолланза йолча вай республико шийна хьалхашка декхар оттаду, масса йолча оагIорахьа дегIаяра. Тешаш ва, ГIалгIайчен дика чаккхе хургхиларах.

Укх цIайца, аз даькъалдувц Россе деррига къамаш, аьттув хилба шун оаш Даьхе бахьан долаш дIамелдоладаьча дикача хIаман тIехьа.

Даима лестийла вайна тIехьа вай триколор — Российски Федераце Паччахьалкхен байракх!

Яхийла Сийлахьа Росси!», -йоах ГIалгIай Республика Кулгалхочо Келматанаькъан Махьмуд-Iаьлас деча кхайкарал тIа.