Зӏамигача вахархочун дехар кхоачашде эттар, Магӏалбика кхален администраце кулгалхо
«Хьалхарчар болам» яхача оагӏоно дӏахьош дола дика гӏулакх хьаллоацаш, зӏамигача вахархочун дехар кхоачашде эттар Магӏалбика кхален администрацена кулгал деш вола Къоастой ӏаддал-Хьамид. Хӏара шера берий дехараш кхоачашдара тӏехьа йоаржаеш проект я тахан дӏахьош яр.
Укх наькъа, Тӏой-Юрта вахаш волча пхи шу даьннача Ахьмада дехар кхоачашде, цун дог хьаста лаьрхӏар хьакима. Бера кхетам лакхбеш, дуне довзийташ долча ловзоргашка Ахьмада сатувса дукха ха яр». Цунна дезаш дола ловзоргаш ше ийца, царна мерза совгӏаташ ӏотӏадаьхка, ше вахар хьаким кӏаьнкага йистхила; бера дог хьастар, из хьегаш хиннар кхоачашдар лакха лоархӏаш.
«Белгалде деза, цу проектага гӏолла дуккхача берий дог хьаста аьттув боалилга. Цар гӏаддахар, гӏозаленах доагаш дола бӏаргаш мах баь ца валлал да», - дийцар «Сердалога» кхален администраце. Иштта бола болам хьаллаца увттараш ба зӏамигача бахархошта тоам бе ловш, царех дог лазаш бола нах, хӏаьта бера товр дарал, дукха хана денз цо сатувсаш дола совгӏат цун даларал хозагӏа фу хургда?
