Гӏалгӏайчен Миннаца кулгалхочо бахархой тӏахьех, уйла яь, кхадж тассара
18.09.2026 12:21
Гӏалгӏайчен Миннаца кулгалхочо Мизенаькъан Руслана ший граждански декхар кхоачашдир Россе Паччахьалкхен Думан, моттигерча Халкъа Гуллама хоржамаш дӏахьош. Цо кхадж тессар №611 йолча Наьсарен №5 йолча юкъарча дешара ишкола даькъ тӏа.
«Сердало» газетаца ше къамаьл деш Мизенаькъан Руслана белгалдир, кхадж тассаро хӏара сага таро лу Гӏалгӏайчен а ерригача Россе а хургдар хьаллаца. Боахама кулгалхочо хоржамхой тӏахьийхар цу хаттарца бехктокхаме хилара.
Министра иштта тӏатехар, цӏаккха ше кхадж тассара юстара ӏийнавац, аьнна. Из са граждански декхар да, яхаш, дийцар цо.
Цул совгӏа, Мизенаькъан Руслана белгалдир, хоржамий даькъ тӏа дика болх дӏахьош хилар; ӏаьдалца, доал деча даькъ тӏарча кулгалхошца, бокъонаш лораерашца цхьана бувзам а лелабеш.
