ГӀалгӀайчен Кулгалхочунна ППШ пулемета-тепчан, кеп елар, моастагӀа эшаваь белгало санна
ЛоархӀаме кхетаче йолаш, ГӀалгӀайчен эпсараша мехка кулгалхочунна Келаматанаькъан Махьмуд-Ӏаьланна ППШ автомата - Шпагина цӀихезача тепчан-пулемёта - кеп елар, яхаш, дийцар «Сердало» газетага мехка министрий кабинете.
«Сийлахь-боккхача тӀема доакъашхоша, историкаша, тӀема эксперташа цу герзах оал; моастагӀчунгара Котало яьккха ЦӀеча Эскара герз, аьле. Из тепча-пулемёт яьй цӀихезача пхьара Шпагин Георге 1940 шера, цул тӀехьагӀа дукха ха ялалехь, 1941 шера из хилар ЦӀеча Эскара герзаш дерий доакъашхо», - аьлар хоамо.
БӀаьха бухь болча Мосина топаца цхьана, тахан дерригача дунен тӀа ППШ советски салтечун белгало я, моастагӀчунгара Сийлахь-йоккха Котало яьккха.
Тахан советски халкъа сийдолча бӀухоша дӀахохьош да шоай даьй, даь-даьй сийдола гӀулакхаш, СВО даькъ тӀа Российски Федерацен кхерамзле лораеш.
