Доккха концерт хургда, Магасерча Алани оалача майдан тӏа
Аьтинга бетта 4-ча дийнахьа, 19:00 сахьат даьлча Магасерча Алани оалача майдан тӏа доккха концерт хургда, Гӏалгӏай Республикан 34 шу дизара хетадаь, яхаш, дийцар «Сердало» газетага шахьара администраце.
Цу хозача кхетаче дакъа лоацаш волча хӏара вахархочунна, хьаьшанна хоалуш хургда из доккха, сийрда цӏай хилар.
«Шуга хьежаш я йицлургйоаца сайре, цига дакъа лоацаш хургда Кавказа седкъий-артисташ: Охценаькъан Хадишат, Ӏаьленаькъан Ӏайна, Мусенаькъан Алина, Гетагӏазанаькъан Ӏайна, Йовлой Хьава, Беканаькъан Рахьман, Налганаькъан Лема, Олиганаькъан Марем, «Дега оаз» яха тоаба, «ГӏалгӀӏайче» яха паччахьалкхен ансамбль, «Гаргареи» яха ансамбль.
Программа хьаьший ба: Рамазанова Кристина, Биштов Азамат, Сокурова Оля, Киш Ислами Каринаи, Хайдаров Майрбек, Кесаева Илона, Меремкулов Ачар, «Ойраты» яха ансамбль, «45 параллель» яха вокальни ансамбль.
Хьакхета тхох, цхьана дезде вай хьамсарча республикан 34 шу дузаш хилар! Хьеж тхо шуга!» - аьлар хоамо.
Из хургда, лакхача кӏайча лоамий сурт тӏехьашка латташ, дӏахьош дола доккха культуран концерт.
