«Ингушэнергос» токацара хьал тоадергда, 30 эзар болча Наьсарен бахархошта
28.04.2025 14:25
Карарча шера 30 эзар Наьсарен бахархой таро йолаш ба токацара хьал тоаде, «Ингушэнерго» говзанчаша шоай болх дика дӀабахьарах. Уж балхаш дара хьахьожадаьд 6 млн сом, яхаш, дийцар ГӀалгӀайчен Кулгалхочун зарбан болх лелабераша.
Юкъара хьаийцача Наьсаре кхо километр бӀаьха тока саьрг хувца лаьрхӀад. Иштта хувцаргба тишбенна 18 бӀоагӀа.
«Таханарча заман тока саьрг хотташ хиларо таро хулийтаргья ток дӀа-юха хьожаеча даькъ тӀа нийслуш дола кхоачамбоацараш юкъера дӀадаха, тешшаме ток лоаттае бахархошта», - аьлар ГӀалгӀайчен Кулгалхочо Келаматанаькъан Махьмуд-Ӏаьлас.
Цул совгӀа, укх шера энергетикаш лаьрхӀа ба Наьсаре биъ трансформатор хувца, ворхӀ трансформатора подстанци тоае.
