Юха а котало яьккхар вай тхэквондисташа
16.02.2024 10:02
«Росси тхэквондо союза президента кубок» яхача тхэквондох йолча ерригача Россе яхьашка борза майдилгаш яьхар вай къонача спортсменаша. Яхьаш дӀайихьай Черкеcске. Из хоам «Сердало» газетага бир спорта оагӀон болхлоша.
«Шоанахой Ислама, Эстамиранаькъан Мусас, Поаланкой Хьусена Ӏомабеш хинна спортсменаш ба вайна котало енараш. 57 кийла дозал дарашта юкъе белгалваьлар Албохчанаькъан Амир, Боканаькъан Асхьаб - 33 кийла дозал дарашта юкъе», - дийцар тха газетага спорта оагӀон болхлоша.
Йоккхача яхьашка гулвенна хилар РФ 29 моттигера 600 тхэквондист.
