Гӏалгӏай мехка лаьтташ таьрахьашка дахара болх дӏаболабеш ба
Гӏалгӏайчен лаьттан таронаш таьрахьашка яхара кеп хьакхоллаш я. Цох дийцар Росреестра, Роскадастра викалашца Гӏалгӏайчен Паччахьалкхен Председатела Сластенин Владимира. Тахан таьрахьашца даьржа дола хоамаш хилар - республикан керттера хаттар да. Проекта чуйоагӏаш хьакхолла лерхӏ йоккха кӏийле, цига хургдолаш юрташкарча доазонех, лаьттаех, дӏа- боахамех, коммунальни хьалех, шахьараш хьалъяра долча каьхатех дола хоамаш.
«Гӏалгӏайче, йиълагӏча моттиге я Къилбаседа Кавказа федеральни куран тӏагӏолла Цаӏ йола электронни картографически кӏийлен борамга диллача, иштта Цаӏ йола паччахьалкхен боахамий реестр кхоллача балха даькъ тӏа.
Тӏехьарча шерашка республике дикка ӏалашо яьй хоамаш вӏашагӏтохаш. Цу тайпара доазоний реестр хьалйизар боарам 51%-гара 79% кхоачаш ба, гӏишлой доала бокъо хилар 70%- гара 91% кхоачаш.
Кхетачен доакъашхоша терко тӏаяхийтар моттигерча хоамий болх кердабаккхара. Республике хьакхеллай сиха терко яра тоаба, из хургья паччахьалкхен программа кхоачашъеш, иштта чӏоагӏдаьд платформа хьалаш леладара дакъа, вӏашагӏбеллаб говзанчаш кийчбара болх. Къаьстта йола терко тӏайохийтаргья паччахьалкхен лоархӏамеча доазонца дувзаденнача хаттарашта. Из болх дика а бӏарчча а дӏабахьарах тийша я таьрахьий хьалаш хьакхоллара дикал», - аьлар «Сердало» газетага Гӏалгӏайчен Паччахьалкхено.
Сластенин Владимира даьча къамаьлага хьежжа, декхар оттадир из болх лелабеча боахамашта хьалхашка наькъа карта график лораяра. Цо иштта белгалдир моттигера хоамий база федеральни даькъах дӏа а теха, боахамех долча хоамий Цаӏ йола паччахьалкхен реестр хьалйиза езилга.
