Энергетиках йолча моттигий, ЖКХ хьал тоаде гӀо дергда республиканна
24.02.2025 14:32
Кавказерча кхаь республикан ЖКХ, энергетиках йолча моттигий хьал тоаде рузкъанца гӀо дарах дийцар Россе Паччахьалкхе. Цу оагӀонцара болх тоабе 3,6 млрд ахча хьожадергда гӀалгӀай республиканна, Селий мехка, ХӀирийченна. Россе
Паччахьалкхен зарбан болх лелабераша белгалдечох, из болх тоабара тӀехьа кхеллача проекта доакъашхой хилар моттигаш. Республикашкара экономиках, ЖКХ, энергетиках йола моттигаш боаггӀача боараме болх дӀахьош хургйолаш дӀатӀадохьийтаргда из ахча.
Премьер-министр волча Мишустин Михаила белгалдир, пилотни оала проект дикка пайда беш хиннилга. Шоашкара доагӀаш дола декхар дӀатела болабеннаб нах, цу оагӀонцарча болхлой алапи хьалъайде аьттув баьннаб, ЖКХ оагӀонца дика хувцамаш да.
