Селий мехка дIахьоча жа, гаьзарий гойтача хьажаре дакъа лоацаш я вай республика
16.05.2025 11:57
Селий мехка дIахьоча жа, гаьзарий довза оттадаьча XXV-ча Россе гойтаме дакъа лоацаш ба вай мохк а. Цига баха хилар юртбоахама гIулакхех йолча министерствон кулгалхочун гIонча Келиганаькъан Илез, хьайбашцарча оагIон керттера болхло вола Далганаькъан Мовлат-Гири.
Республикерча Паччахьалкхен зарбан болх лелабераша белгалдечох, гойтаме гулбеннабар ГIибухьерча, Къилбаседа Кавказерча, Приволжски, Къилбаседа-Малхбузерча моттигашкара 65 боахам лелабераш, цар доаладаьдар 400 совгIа устагIеи газеи.
Гойтама программанна юкъе да цхьан истола гонахьа гулбалар, Iилман-балхацара семинар, гойтамаш, иштта жа леладерий хIара шерара кхетаче.
