ГӀалгӀайче доакъашхо я, «Коталон байракха йолаялар» яхача ГӀаьбартой-Балкхаре дӀахьоча болама
ГӀалгӀайчен ворхӀ викал дакъа лоацаш хилар «Коталон байракха йолаялар» яхача ГӀаьбартой-Балкхаре дӀахьоча боламе, яхаш, дийцар «Сердало» газетага ГӀалгӀай Республикан кагирхой гӀулакхех йолча Комитета зарбан болх лелабераша.
ХӀара шера дӀахьош йолча кхетачено вӀашагӀтехар «Авангард» ГБУ кулгалхо Бохтаранаькъан Мадина, «Къона гадаккхархо» ГБУ Муружанаькъан Мухьмад, «Ӏомадаь довзар» юкъарлон кулгалхо Хьулахой Ахьмад, кагирхой цхьанкхетарий цӀен кулгалхочун гӀонча ЧӀасанаькъан Руслан, ЛаьрххӀача операце ветеран Шоанахой Муслим. Цар массане а дакъа юкъедахьа лаьрхӀар, Сийлахь-боккхача Даьймехка тӀем тӀа 1941-1945 шерашка советски халкъа карагӀдаьннар диц ца деш, дагалоаттам лорабара.
Кастлуш Коталон байракх вай мехка доазон тӀа хьалъолларгья, хӀаьта тов бетта 14-ча дийнахьа из Нохчий Республикан викалашка кхоачаргья.
«Коталон байракха йолаялар» - белгало я цхьоагӀон, машара, турпалхошта баркал алара!» - аьлар Хьулахой Ахьмада.
