«Говрий дуне» яхача телеканало дӀахьоча кхетаче дакъа лоацаргда вай республико
Мехкарча моттигашка говрий спорт дегӀакхувларах йолча, «Говрий дуне» яхача цӀихезача телеканало дӀахьоча онлайн-конференце дакъа лоацаш хилар вай республикерча физически культурахи спортахи йолча Министерствонна хьалхалатта Белхарой Руслан. Из хоам «Сердалога» бир министерствон зарбан болх лелабеча ГӀаппархой Аишас.
«Бахархошта юкъе говрий спорт йоаржаярах долча наькъех дийцар говрий спортах йолча моттигерча федераце, спорта оагӀон болхлоша. Къаьстта боккха теркам тӀабахийтар бе-беча моттигашка нийслуш долча кхоачамбоацарашта, уж юстардахарах болча балха», - йоах тхога бенача хоамо.
Иштта кхетаче дийцар хьатӀабоагӀача бетта 24-ча, 29-ча деношка ГӀаьбартой-Балкхарой мехка дӀаяхьа лерхӀача «Кавказа къамий доттагӀала кубок» яхача говраш хохкача кхетаченах.
