ГӏалгӀай мохк «баьццарча» даькъ тӀа ба, контейнерашца Ӏалашо ярах
ГӏалгӀайчено дӀагойтар юхакъаьстача нувхех толамаш дахара «баьццарча» даькъ тӀа ше хилар. Контейнерашца Ӏалашо яра РФ Ӏалама тароний, экологе Министерствон юкъейоагӀаш я республика. Цох хоам бир мехка Кулгалхочун, Паччахьалкхен зарбан болх лелабераша.
«Бекарга бутт дӀаболалуш мэра декхар - уж латтаргйола моттиг белгалйир. Нувхаш чукхувсара яь контейнераш эца новкъостал дергда моттигерча паччахьалкхен ганзо. Цу гӀулакха 6 миллион сом хьожадергда», - аьлар ший телеграм-канале ГӏалгӀайчен Кулгалхочо Келаматанаькъан Махьмуд-Ӏаьлас.
ХьалхагӀа мехка кулгалхочо муниципальни, доакъошта тӀадилладар контейнераш мел еза а иштта уж латтаргйола моттигаш мелий а хар. Хӏанз эшаш я уж Магасе, Наьсаре, Шолже, Наьсарен кхале.
Цул совгӀа, республикан Кулгалхочо тӀатехар, даькъ тӀа хьал тоадара видео гӀолла тӀахьожам лоаттабергба контейнераш малагӀча хьале а, уж латташ йола майдаш миштий а хьожаш.
