«Профессионалитет» яхача проекта юкъебахаб вай мохк
14.05.2025 11:05
«Кагирхойи бераши» яхача къаман проекта чуйодаш йолча «Профессионалитет» яхача федеральни проекте дакъа лоацаш я вай республика. Мехкадаь зарбан болх лелабераша белгалдечох, Россе Паччахьалкхено дешара гӀулакхий цхьанкхетара лаьрх1а 77, 4 млн рузкъа хьожадаьд вай мехка.
Мехкара экономикан хьал тоадарал совгӀа, вахара оагӀонцара гӀулакхаш дикка меттадоаладеш болх хургба из, вай Мехкадас Келаматанаькъан Махьмуд-Ӏаьлас белгалдечох.
«Дешара моттигашта, болх Ӏалашберашта юкъера бувзам чӀоагӀбеш хургья из проект. Тахан вай мехка эшаш бола говзанчаш кийчбеш, беркате гӀулакх хургда из», - белгалдир вай Мехкадас. Россе Паччахьалкхенна баркал аьлар цо из аьттув баккха гӀо дарах.
