«Цун мах оттабаро хьагойт, хIара сага Iаткъаш хиннар а, царна цу юкъера малагIа моттигаш йиц ца луш йиссай а. Халонаш массанега а цхьатарра енаяле а, дувцараш ши-ший тайпара да мехкагIа баьхача наьха.

СибарегIе токхаш, халонаш лайнача нахага ла массаза дувгIа, керд-керда моттигаш гучайоалаш хул, юха а юха а уж ладувгIарца керда, царца цхьана, чакхвоал вайх хIаравар цу халонех. Нагахьа санна, вахара хьалаш аттагIа долаш хиннар нийсвелча, цунца цхьана, гIад а вода. Дукхача шерашка, шоай мехка юха цIабахкарга сатувсаш баьхача наьха дувцар, дега юкъе гIолла чакхдоалаш хул, шоай хьамсарча даьхенга, баьхача лаьттага сатувсаш дукха шераш дIаихар цар мехкагIа баьхача хана, цул совгIа, юха мехка боалаш а дукха нах дIакъаьстар, цIенъюкъера массехк саг, цига дIавелла юха бахка безаш хилар уж», — аьлар «Сердало» газетага проекта доакъашхоша.