ГӀалгӀайчен депутаташ «Коталон ЦӀермашин» яха гойтам болча хилар
06.03.2025 16:42
ГӀалгӀайчен депутаташ, шоашта керте Халкъа Гуллама кулгалхо ТӀумхой Мухьмад а волаш, «Коталон цӀермашин» яхача гойтамга хьажа бахар, из дуненна хьалхара интерактивни гойтам ба, Сийлахь-боккхача Даьймехка тӀема ханашта хетабаь.
«Коталон ЦӀермашино» кердача ноахалга кхоачийт Даьймехка тӀема доакъашхой истори, цар вахара никъ. Таро лу вай Даьхенах доаккхал деш хила», - аьлар ТӀумхой Мухьмада, ше къамаьл деш.
Проект дӀахьош хилара керттердар да исторически дагалоаттам биц ца беш лелабар, цу шерашка советски халкъа хинна денал гойтар. Иштта дика из гойтам вӀашагӀбелла хиларах, наьха таро я ше ма дарра цу ханара сурт го а, цу хана чу бала. Тушола бетта 7 дийнахьа гойтама болх чакхбаьлар.
