ГIалгIайчен хьажархочо мах оттабир «Сийлахь Сармак» яхача АьдагIий театра балха
ГIалгIайчен хьажархочун таро хилар «Сийлахь Сармак» яхача Бекмурзов Зураба пьесах кхеллача аьдагIий театра cпектаклага хьажа. Насьаре тIаийцар кхоллама тоаба культуран Министерствос, юкъара болх бераша, интеллигенце викалаша, яхаш, дийцар «Сердало» газетага цу моттиге.
Моаршал хоаттача дешашца къамаьл дир ГIалгIайчен берий театра кулгалхочо Хазанаькъан Мусас, АьдагIой Республикан Концертни цхьанккхетара «Дошо кхабилг» яхача теникий театра кулгалхочо Джолова Ларисас.
Эбарга-Юртарча №6 йолча, Галашкарча №2 йолча юкъерча ишколай дешархошта, Шолжа-Шахьара искусствай колледже, эггара зIамагIчар «Безам» яхача берий бешарча берашта гойтар Шаоцук цIи йолча кIаьнка вахар, из вар денал долаш хила ловш. Сюжетага гIолла хIара нийсденнача хьалах дог гIоздоалаш вар из. Режиссёр ала гIертар цаI дар - дика гIулакхаш де, уж шоана цхьаннахьа гIолла накъадаргда.
«Тахан тха лоархIаме ди да. Тха театр, дика а хеташ, дера ГIалгIайче. Сога хаьттача тоабан вIаштIехьадаьлар лаьрххIача беса болх дIабахьа. 2025 шера тхо хьежаргда шун берий театр хьоашалгIа дарга», - аьлар Джолова Ларисас.
