Вай мехкара хьажол де болхарий хьалхара тоаба араяьлар наькъа
Хьажол де болхарий 180 сагах латта хьалхара тоаба араяьлар наькъа. Цу гӏулакха республике хьалххе кийчо яьяр. Хьажол де болхарашта визаш, Nusuk смарт-карташ кийчдаьдар , иштта вакцинаци яьяр. «Сердалога» из хоам бир мехкарча Паччахьалкхено.
Ха яхача, дегӏа могашал дика йоацача наха аэропорте къаьстта гӏо дора. Мадинате, Макка деррига а кийча да, Дала тӏадиллача пхе паразах цхьа параз кхоачашде боагӏараш паргӏатта тӏаэца.
Хӏара тоабан хьалха лаьрххӏа кийчбаь нах ба. Укх шера вай мехкара бархӏ фецара кема гӏоргда, эггара езагӏа йолча моттигашка мехкахой ийца. Вай мехкарча наьха санна, лоалаха ядача моттигашкарча наьха а аьттув ба из кхоачашде.
«Магас» аэропортера баха йиш йолаш ба СКФО хьажол тӏерадаккха болхараш. Тӏалатта нах сов дукха хиларах, геттара чӏоагӏбаьб аэропортера кхерамзлен оагӏонцара болх.
