Шолжа-Шахьарерча мэрá бахархоша 11 дехар тӏадера
20.11.2025 10:34
Бахархой тӏаийбеча дийнахьа 11 дехарга хьожаш хилар шахьара мэр. Из хоам «Сердалога» цу моттигера бир. Наха къувлаш хиннараш тайп-тайпара дар. Цхьацца моттигаш тоае, вахара оагӏонца гӏо де, таро йоацараш терко лоаттаергйолаш дӏаязбе, яхаш, дехар деш бар нах.
Комсомольски оалача урам тӏа наькъий бокъонаш йовзийташ дола улг оттаде, яхаш, дехар дир цхьанне. Энгельса цӏи лелаеча урамерча СВО доакъашхочо дийхар; ший цӏен хий дӏатӏахьош новкъостал де, аьнна.
Иштта цхьацца йолча, хӏетта нах баха хайшача моттигашкара тока хьал меттадоаладе лаьрхӏар мэре.
Шахьара дас ше тӏахьожам беш хургда деррига гӏулакхаш кхоачашдар.
