«Бераш долча дезалла кредиташ далара йола программа маьхалйоаккхаш, ах шера ГIалгIайчен бахархоша 42 млн сом хьаийцад, хIаьта «Господдержка» яхача программах I4 млн сом ийцад. Иштта хьалхарча ах шера 1,2 млрд сома маьха вкладаш кийчъяьй», — аьлар цу хоамо.

Таханарча денна, ГIалгIай Республика бахархошта лаьрхIа онлайн-оплата е йиш йолаш 1000 дукхагIа Сбербанка терминалаш я, самообслуживани а йоагIа цу юкъе.

Из доацаш а, СберБанко массаза а керда доах наха болча пайдана лаьрхIа дола банка хьалаш, цу юкъе ха яьнна нах а дIалоархIаш, иштта процент лохъяра бола никъ лохаш а, из наха хьалхабоаккхаш а хьайоагIа банк.

СберБанкаца цхьана болх беш йолча бизнес-структураша, даима дегIабоалабу шоай низ, из дIакхоачаш хул агропромышленность даькъа тIа керда комплексаш хьалъеча, иштта хьалъю керда туристически мах бара лаьрхIа йола комплексаш, цу чу боагIаш хул кхыча паччахьа карара партнераш, маьхалдоах пайда луш дола цифровой оала хаттараш.

Хоам бу, предпринимательство дегIайоалаяра банко, хIанз, кхы а шин тайпара льготаш юкъеяьхай. Из дувзаденна да инвестиционни проекташта лаьрхIа дола кредиташ далара, иштта цу наькъа тIа зIамига бизнес а дегIайоалае таро хургья, « Стимулирование кредитования субъектов МСП»  яха, паччахьалкхен программа а маьхалйоаккхаш.