Къамаьл дувцаш белгалдир, дешара керттера хаттараш, иштта говзанчаш кийчбара дош а.

ГIалгIай Республика Кулгалхочо белгалдир, масса хана а терко лоаттае еза гIалгIай метта, аьнна. Эшача моттиге Хьехархой говзал лакхъяра йола Институт а юкъейоалаеш, мотт дикача хьале баккха безалга хьоахадир цо.

ГIалгIай метта дикка новкъостал эш, из ма хулла тоабара тIахьеха беза говзанчаш.

Хоалуш да, дика говзанчаш вай кIезига хилар, цудухьа из дош даима теркама юкъе хила деза.

Иштта, гIалгIай мотт лорабара лаьрхIа «Сердало» газета новкъостал дергдолаш да, из гIалгIай меттала арадувлаш хилар бахьан долаш.

Келматанаькъан Махьмуд-Iаьлас яхачох, университето бизнесаца бувзам лелабар-керттера декхар да, болх тоабе беза дикагIча оагIорахьа.

Таханарча дено дIаехача профессех, дийша говзанчаш хилар, ца хилча даргдоацар да.

Кулгалхочо белгалдир, ГIалгIай Республике IT-говзанчаш безаш хилар, хIанз латтача хано дIадехар из да.

Эшаш ба къона юртбоахама говзанчаш, архитектораш, гIишлонхой, кхыйолча тайп-тайпарча профессе нах.

Албаканаькъан Фатимас баркал аьлар Махьмуд-Iаьлана дика хьехамаш дарах. Цо, иштта белгалдир, ГIалгIайчен керттерча дешара кхуврчо, республика вахар масса йолча оагIорахьа тIаозаш хилар, цу юкъе бизнесаца а дерригача Iаьдала органашца а айхха бувзам лелабеш, масса хана къаман университета цIи йовргйоаца наькъаш а лохаш.