Мехкада: Эса хий чулацаро Гӏалгӏайченна таро лургья тешшаме хий лоаттаде
Гӏалгӏай Республикан кулгалхочо Келаматанаькъан Махьмуд-ӏаьлас дийцар, мехка кхоачашъеш йолча эггара йоаккхагӏча проектах- Оалкамарча Эса тӏа хий чулоацаш йола гӏишло хьалъеш хиларах. Цо республикан дукхагӏа йолча моттигашка цахаддаш, тешшаме хий лоаттаде таро хулийтаргья.
Из моттиг хьалъяь яьлча, тешшаме молаш дола дика хий лоаттаде таро хургья Илдарха-Гӏалий тӏа, Магӏалбике, Шолже иштта ӏалашо ергья хица Шолжа кхале, Магӏалбика кхале бахача наха.
Из проект дӏайолаяьй 2025 шера. Хӏанз цига говзанчаш болх беш ба, лаьттанцара балхаш деш.
«Аз сай теркама юкъе лоаттаду из гӏишло хьалъяра дош. Хӏара ши кӏира массаза доал, сога хоам бу цига баьча балхах. Тха декхар да - дикал йола хий чулоаца моттиг мишта хьалъеш латт наха дӏагойтар, из хила еза дукхача шерашка наьха хицара таронаш тоаю оагӏув дӏалоацаш», - аьлар Келаматанаькъан Махьмуд-ӏаьлас.
Технически таронаш йоккхий я цу моттига: проект кхоачашъяь яьлча, цо 100 эзар кубически метр хий лоаттадергда ден-бус. Итташ эзараш болча наха хий хургда.
ӏаьдало белгалду, из гӏишло хьалъеш я дукхача шерашка тӏехьален хургйолаш, республикан дегӏаяра лаьрхӏа, цо ӏалашо ергья юрташ дегӏайоалаеча, наьха вахара хьалаш тоадеча.
