Келаматанаькъан Махьмуд-Ӏаьла: Паччахьалкхен Кулгалхочо хьаллацарах, ГӏалгӀайче дегӀайоагӀаш я
07.05.2025 16:39
Тахан 25 шу даьлар Россе Президента Путин Владимира хьалхара инаугураци хинна. Цу лоархӀамеча дийнахьа Келаматанаькъан Махьмуд-Ӏаьлас белгалдир, чоалханеча исторически хьалашка Путина берригача мехках бола бехктокхам шийна тӀаийца хилар. Цу хана денз, Росси дунен тӀара ший никъ хьалаьца, из чӀоагӀбеш хьайоагӀа.
Макшарипа Махьмуд- Ӏаьлас белгалдир, Президента мехкашта еш йола терко уж дегӀаахара керттера дакъа дӀалоацаш я, аьнна:
«Паччахьалкхен Кулгалхочо хьаллоацаш хиларах республика дегӀайоагӀаш я: хьалъеш я керда вахара гӀишлош, тоалуш да наьха вахара хьалаш».
Ший къамаьл чакхдоалаш, ГӏалгӀайчен Кулгалхочо ше тешаш ва аьлар, Путин Владимира кулгалца Росси ший новкъа дӀагӀоргхиларах, лаьрхӀачунга кхоачаш.
